REMATANDO ABRIL E COMEZANDO MAIO

 Comezamos a semana co conto RATO TOM E RATA TOMASA, a cargo da teacher María, quen foi profe no noso cole. Pinchade no seguinte enlace para velo.

Día do libro

Tamén nesta última semana de Abril tivemos o obradoiro a cargo de Electra de A GALIÑA DOS OVOS DE CONTO.

Continuamos a semana fabricando insecticida natural para as nosas plantas. Tiñan bichos, así que tivemos que investigar que debíamos facer .

E para rematar a semana a actuación dos nosos compis de 6º MAXÍA.Pincha no seguinte enlace para vela.

https://meninhos.blogspot.com/2023/04/maxia.html

E logo  participamos xunto con outros coles de Viveiro na I Andaina Solidaria polo día Internacional do Deporte organizada polo Grupo de Intervención Xuvenil de Viveiro en apoio a asociación pola Saúde Mental da Mariña.. Foi unha experiencia moi enriquecedora. 

E arrancamos Maio con máis e máis actividades. O martes para comezar fomos coas nosas sementes aos hortos para trasplantar. Que ben nos recibiron, estaban desexando a nosa visita.

GRAZAS , GRAZAS E MÁIS GRAZAS.

E o mércores continuamos con Obradoiro de arte e emocións a cargo da artista burelesa Adriana Pardo, no novo espazo creativo da nosa biblioteca espallada.

Tamén subimos a plantar árbores autóctonas a San Roque coa colaboración dos axentes forestais de Medio Rural  e da Comunidade de Montes San Roque.

https://www.instagram.com/p/Cr0stFwtZtn/?igshid=NjZiM2M3MzIxNA==

Para rematar esta primeira semana visitounos unha odontóloga, Estefanía Regal, como parte do noso proxecto Edusaúde, que nos ensinou moitas cousas interesantes sobre os nosos dentes e os dos animais.

https://www.instagram.com/p/Cr3a8Ekt5bu/?igshid=NjZiM2M3MzIxNA==

ABRIL, LIBROS E ACTIVIDADES MIL

 Celebramos o Día do Libro Infantil cunha actuación de monicreques na nova biblioteca, podedes vela no  seguinte enlace:

blog de Librín

Seguimos abrindo a escola ao medio, e fumos pasear polo paseo fluvial para investigar e apañar flores silvestres coas que facer algún obradoiro no novo espazo creativo. 

E aquí tedes un xogo coas flores que xa coñecemos, pero cuidado  hai que descubrir as dúas que non son de xardín que son silvestres!!!

Tamén recibimos a visita dunha Inspectora urbanística acompañada dunha ratiña que nos contou un montonazo de cousiñas.

E para rematar a semana fomos os protagonistas na biblioteca. Noraboa paxariños!!!!

E a vindeira semana outras tantas actividades. Que liados andamos!!!

Recordade deitarse cediño e tomar todo o almorzo. Hai que vir coas pilas cargadas!!!

 Marzo coa chegada da primavera foi un mes cheo de alegrías, de xogos  e de actividades.

Pasámolo moi ben nas Nogueiras recuperando a tradición do noso pobo de saír ao campo no DÍA DAS TORTILLAS.

Podedes ver outras actividades dos proxectos da biblioteca e INCLÚE-T pinchando no seguinte enlace no blog de Librín.

Para rematar o trimestre uns obradoiros interesantes, recortando e cociñando emocións.

O MES DA POESÍA E MOITO MÁIS

 O  OITO  É  O  DÍA  DA  MULLER

POLA   IGUALDADE  ENTRE  ELA  E  EL.

O  VINTE É  O  DÍA  DA  NARRACIÓN,

O  CONTO  QUE  QUENTA  COMO  O  SOL.

O  VINTE  E  UN  É  O  DÍA DA  POESÍA,

MELLOR   SERÍA  TODOS  OS  DÍAS;

TAMÉN  O DÍA  DA   ÁRBORE

PLANTA  A  TÚA  CON  CARIÑO

PARA  QUE  MEDRE  CONTIGO.

XOÁN NEIRA

No blogue de Librín podedes ver as actividades que fixemos polo día da muller, IGUAIS NA MAXIA, así como polo día da Poesía, POESÍA OLLANDO A RÍA, pinchando no seguinte enlace.

LIBRÍN

Este mes tamén por fin fixemos Ioga na Ludoteca, e coñecimos instrumentos musicais moi relaxantes, o gong e unha frauta moi diferente.

Comezamos a coñecer un pouco máis a natureza e a achegarnos a ela, aprendendo o nome dalgunhas flores, coidandoas, sementando remolacha no noso invernadoiro, trasplantando plantas. Agora esperemos que xermolen para trasplantalas que seguro o conseguiremos porque empregamos terra do noso vermecomposteiro. Tivemos que repoñer de miñocas para seguir tendo terra rica en nutrintes para as plantas.

Grazas MAITANE pola tua axuda coas plantas, que á profe non se lle dan moi ben, pero entre todos conseguiremos unhas plantas fermosas.

E hoxe comezamos con formación para estar preparados para as saídas á Natureza sin que haxa riscos nin perigos. Acompañounos un policía moi especial que nos explicou todo xenial. Mil grazas XABI.

Agora a practicar na casa para saber onde vivimos, a nosa rúa, número e piso. Tamén podemos aprender o que vemos pola ventá da nosa casa, o super, un bar...todo aquilo que nos poda axudar no caso de ter un emerxencia.

Benvida Primavera, estamos desexando bo tempo para poder saír disfrutar da NATUREZA!!!!

Ata pronto Inverno, moito nos tivemos que mover polos corredores e pola aula.

ROSALÍA DE CASTRO

Cantas cousas aprendimos da nosa querida ROSALÍA DE CASTRO!!!

ROSALÍA DE CASTRO

Para xogar pincha no seguinte enlace:

XOGOS ROSALÍA

OBRADOIRO DE COCIÑA E OUTRAS ACTIVIDADES

 

OBRADOIRO DE COCIÑA E OUTRAS ACTIVIDADES

 Rematamos febreiro e comezamos marzo cunha morea de actividade. Fixemos un obradoiro de cociña e nel as comidas favoritas de Paca e Calixto, coñecimos moitas cousas de Rosalía de Castro e dentro do noso traballo IGUÁLA-T tivemos un espéctaculo de maxia.

Polo 8M, e para completar as actividades de educación en igualdade que facemos cada día, tivemos unha maga e un mago que ademáis de facer trucos e sombras chinesas para as nenas e os nenos tamén recordaron para os adultos algunhas das cousas importantes polas que serguir educando para facer un mundo sin diferencias por razóns de xénero.

BIBLIOTECA DE LIBRÍN.IGUAIS NA MAXIA

XOGOS 8 M

VISITA AO SUPERMERCADO

 Hoxe tocou visita ao supermercado dentro das actividades do noso proxecto EDUSAÚDE.

Unha excursión sempre resulta motivadora para novas actividades encamiñadas a crear hábitos saudables e convertelos en prácticas habituais dende a infancia.

Paseamos por todas as seccións do supermercado , onde nos explicaron un montonazo de cousas. Tamén sabiamos moito, adiviñamos moitos dos peixes da peixaría, moitas verduras...Tamén aproveitamos para mercar os ingredientes da  receita que do 1º obradoiro de cociña, os pratos favoritos de PACA E CALIXTO.

E para rematar menuda sorpresa nos tiña preparada FINA, unha merenda moi, moi especial.

Aínda que é complicado, os nenos e nenas poden comer máis variado tamén cando é un día de festa. Hoxe axudounos  o EROSKI a mostrarlles  platos divertidos a base de froitas.Sería moi interesante agora meter os nenos na cociña a preparar e participar do momento de facer a merenda. Aquí deixamos as ideas de FINA que foron todo un éxito .

É moi positivo traer alimentos saudables para ambientes festivos .Debemos establecer unha asociación positiva entre festa e saúde.O importante é preparalos ben e de forma divertida e atractiva para os nenos, que lles chame a atención e desperte a súa curiosidade.Así que apostade por merendas e festas de aniversarios con comida saudable e divertida.

A visita ao supermercado  EROSKI foi moi productiva e chea de agasallos, así que 

GRAZAS , GRAZAS E MÁIS GRAZAS EROSKI

Nós continuaremos no cole con obradoiros, clasificación dos alimentos, propiedades que nos aportan,...sempre de xeito lúdico co que conseguimos moitos dos obxectivos dos programas do centro e desta etapa onde a iniciación e consolidación de hábitos de saúde e sostibilidade son fundamentais.